Naatsorsuutit,
meeqqiortarneq
Siunissami inunngortussanik naatsorsuinermi arnaq qanoq amerlatigisunik meerartaassanersoq aamma arnat meeqqiorsinnaasut inuiaqatigiit akornanni qanoq amerlatigissanersut taputartuullugit naatsorsorneqarput.
Ukiut
tallimat ingerlanerini, tassa 2015-imiit 2019-imut ukioqqortussuseq
apeqqutaatillugu innuttaasut akornanni qanoq meeqqiortoqartigisimanersoq
naatsorsorneqarpoq. Qanoq amerlatigisunik meerartaartarneq tassaavoq arnat
aalajangersimasunik ukiullit akornanni 1.000-iugaangata meeqqat inunngortut
amerlassusaat. Qanoq amerlatigisunik meerartaartarneq tassaavoq naatsorsukkat
tamarmik katinnerat, tassanilu pineqartarpoq arnap meerartaarsinnaanermini
(15-iniit 49-nik ukiullit) qanoq amerlatigisunik meeqqiornissaa, tassa arnaq
ukiuni meeqqiorfissamini meeqqiussaguni 50-inillu ukioqalernissami tungaanut
inuussaguni.
Nunap
immikkoortuini (kommunini) meeqqiortarnermut uuttuummik sumiiffinni
meeqqiortoqartarnerata assigiinngissutaannut uuttutaasumik naatsorsuisoqarpoq.
Titartagaq
8-mi takuneqarsinnaavoq innuttaasut tamakkerlugit ukioqqortussutsit tallimat
akornanni qanoq meeqqiortoqartigissaneranik naatsorsuineq. Takuneqarsinnaavorlu
ukiut 15-it kingulliit ingerlanerini meeqqiorneq apparsimasoq, tassani arnat
inuusunnerit 25-t ataallugit ukiullit meeqqiorparunnaarnerannik
peqquteqartumik. Arnat 15-it 19-illu akornanni ukiullit meeqqiornerat
appaqqaarsimavoq ukiulli qulit matuma siorna arnat 20-t 24-llu akornanni
ukiullit meeqqiornerat aamma apparsimalluni.
Titartagaq
8. Ukiut malillugit meeqqiortarneq, 1995-imiit 2030-mut innuttaasut
tamakkerlugit
Najoqqutaq: Naatsorsueqqissaartarfik, Kisitsisaataasivimmi kisitsisit takukkit ( http://bank.stat.gl/benbblfsf1 ) |
Innuttaasut
amerlassusissaannik naatsorsuinermi 2015-imiit 2019-imut arnat 1.000-it
2.060-inik meeqqiorsimasutut naatsorsorneqarput. Ilimagineqarpoq piffissami
innuttaasut amerlassusissaannut naatsorsuiffiusumi meeqqiortarneq
allanngorassanngitsoq. Arnat 25-t inorlugit ukiullit meeqqiornerat
taamaaginnassappat, arnallu 25-t sinnerlugit ukiullit meeqqiornerat 5 pct.-imik
qaffassagaluarpat. Tamanna titartagaq 8-mi takutinneqarpoq.
Taamaasilluni
naatsorsorneqarpoq arnat 1.000-it meeqqiornerat 2.131-nik amerlatigissasut,
tassa inunnik amerlisaataalaartumik meeqqiortoqassasoq, arnarlu ataaseq
2,1-inik meerartaartassasoq.
Ukiuni
tulliuttuni inunngortut amerlassusaannut arnat meeqqiorsinnaasut amerlassusaat
sunniinerpaasussaavoq, innuttaasut amerlassusissaannik naatsorsuinermi ukiuni
arlalinni siullerni arnat meeqqiorsinnaasut ikiliartulissammata. 1990-ikkunni
inuusimasut amerlapput (1960-ikkunni inunngornikorpassuit kinguaavi)
naatsorsuutillu malillugit taakku meerartaarnissatik tamakkingajalerpaat.
Titartagaq
9-mi takuneqarsinnaasutut 00-ikkut aallartinneranni niviarsiaqqat uumallutik
inunngortut amerlassusaat 1990-ikkut aallartinneranni inuusimasunut
sanilliullugit missiliorlugu 30 pct.-inik annikinnerusut. Tassaappullu taakku
ukioqatigiiaat ikittunnguit ullumikkut ukiunilu tulliuttuni qulini
meeqqiortussat.
Titartagaq 9. 1973-imiit 2019-imut niviarsiaqqat uumallutik inunngortut amerlassusaat
Najoqqutaq: Naatsorsueqqissaartarfik, Kisitsisaataasivimmi kisitsisit takukkit ( http://bank.stat.gl/benbbl0 )
Inoqarfinni
mikinerusuni meeqqiortarneq inoqarfinnit annerusuniit qaffasinneruvoq. Tamanna
naatsorsueriaaseq malillugu ukiunik tallimakkaanik sivisussusilikkanik
sumiiffinni meeqqiortarnerup annertussusaa kisinneqarpoq. Takussutissaq 5-imi
takuneqarsinnaapput inoqarfiit annertussusaat malillugit meeqqiortarnermut
uuttuutit naatsorsukkat. Kommuninut distriktinullu aamma naatsorsuisoqarpoq.
Takussutissaq
5. 2015-imiit 2019-imut sumiiffinni meeqqiortarneq
2015 |
2016 |
2017 |
2018 |
2019 |
2015-19 |
|
|
|
uuttuut |
||||
Nuna tamakkerlugu |
2.118 |
2.052 |
2.092 |
1.995 |
2.050 |
100 |
< 200 |
2.948 |
2.881 |
2.303 |
2.541 |
2.108 |
131 |
200-699 |
2.586 |
2.954 |
2.393 |
2.609 |
2.300 |
128 |
700- 2.999 |
2.377 |
2.182 |
2.440 |
2.221 |
2.492 |
115 |
3.000-6.000 |
1.951 |
2.079 |
2.028 |
1.990 |
2.045 |
98 |
> 6.000 |
1.815 |
1.542 |
1.749 |
1.571 |
1.690 |
83 |
Najoqqutaq:
Naatsorsueqqissaartarfik